Միջամտական (ինտերվենցիոն) սրտաբանական ծառայություն

«Նորք-Մարաշ» բժշկական կենտրոնի ինտերվենցիոն սրտաբանական ծառայությունը իրականացնում է ախտորոշիչ և բուժական տրանսկաթետերային միջամտություններ սիրտ-անոթային խնդիրներով պացիենտների մոտ: Կաթետերիզացիոն լաբորատորիաները հագեցած են վերջին սերնդի ախտորոշիչ սարքավորումներով, որոնց շնորհիվ իրականացվում են ուլտրաձայնային ներանոթային հետազոտություններ (IVUS, FFR և iFR), ռոտոբլացիոն աթէրեկտոմիա:

Կատարվում են՝

• Սրտի պսակաձև զարկերակների և մագիստրալ անոթների անգիոգրաֆիկ հետազոտություններ
• Սրտի խոռոչների և հարակից անոթների հեմոդինամիկ հետազոտություններ
• Սրտի պսակաձև զարկերակների ներանոթային ուլտրաձայնային (IVUS) և հեմոդինամիկ (FFR և iFR) հետազոտություններ
• Սրտի պսակաձև զարկերակների բալոնային անգիոպլաստիկա և ստենտավորում
• Մագիստրալ զարկերակների բալոնային անգիոպլաստիկա և ստենտավորում
• Սրտի փականների բալոնային վալվուլոպլաստիկա
• Սրտի բնածին և կառուցվածքային դեֆեկտների գործիքային փակում
• Ներսրտային հաղորդակցությունների ստեղծում