Սոնոգրաֆիա և դուպլեքս հետազոտություն

Որպես ախտորոշման մեթոդ՝ ուլտրաձայնային հետազոտությունը (ՈՒՁՀ, սոնոգրաֆիա) ամենաինֆորմատիվ մեթոդներից է: Այն լայնորեն կիրառվում է ամենատարբեր հիվանդությունների ախտորոշման համար: Հետազոտության ժամանակ կիրառվող ուլտրաձայնային ալիքների չափաքանակն անվնաս է մարդու առողջության համար:

ՈՒՁՀ-ն կիրառվում է հիվանդությունների ախտորոշման, ախտաբանական գործընթացի պարբերական հսկողության և բուժման արդյունքների գնահատման նպատակով: ՈՒՁՀ-ի միջոցով հնարավոր է կատարել դիագնոստիկ պունկցիոն բիոպսիա վահանաձև գեղձի, կրծքագեղձի նորագոյացությունների դեպքում:

Ուլտրաձայնային հետազոտության առավելություններն են՝ ճառագայթման վտանգի բացակայություն, բազմակի կրկնության հնարավորություն, հետազոտության անցավ ընթացք, հետազոտության արդյունքների արագ ստացում, բարձր ինֆորմատիվություն, հիվանդության ամենավաղ շրջաններում ախտորոշման հնարավորություն։

«Նորք-Մարաշ» բժշկական կենտրոնում TOSHIBA բարձրակարգ սարքով իրականացվում է.

• Վահանաձև գեղձի
• Կրծքագեղձի
• Որովայնի օրգանների
• Փոքր կոնքի օրգանների (կանանց մոտ՝ արգանդ, ձվարաններ, տղամարդկանց մոտ՝ շագանակագեղձ)
• Հոդերի սոնոգրաֆիա